தண்ணீர் கேட்டு பெண்ணிடம் நகை பறித்த வாலிபர் கைது

தண்ணீர் கேட்டு பெண்ணிடம் நகை பறித்த வாலிபர் கைது !!!

கோவை ரத்தினபுரி தில்லை நகர் பகுதியில் சேர்ந்தவர் ராஜகோபால் என்பவரின் மனைவி லக்ஷ்மி (58). இவர் நேற்று முன்தினம் இரவு தனது வீட்டில் டிவி பார்த்துக் கொண்டிருந்தார். அப்போது அவரது வீட்டின் அருகில் வசிக்கும் பாண்டியராஜன் என்ற வாலிபர் வீட்டின் கதவை தட்டியுள்ளார். லட்சுமி கதவை திறந்தபோது தண்ணீர் வேண்டுமென பாண்டியராஜன் கேட்டுள்ளார். உடனே லட்சுமி தண்ணீர் எடுக்க வீட்டிற்குள் தண்ணீர் எடுக்க சென்றார். அப்போது பின் தொடர்ந்து பாண்டியராஜன் வீட்டிற்குள் நுழைந்துள்ளார். பாண்டியராஜன் வீட்டிற்குள் வருவதை பார்த்த லட்சுமி அதிர்ச்சி அடைந்தார். உடனே பாண்டியராஜன் லட்சுமியை தாக்கி கீழே தள்ளினார். பின்னர் லட்சுமி கழுத்தில் அணிந்திருந்த 7 பவுன் தங்கச் செயினை பறித்துக் கொண்டு தப்பி ஓடினார் .லக்ஷ்மி சுதாரித்து எழுந்து வெளியே வந்து சத்தம் போட்டார் .அதற்குள் பாண்டியராஜன் அப்பகுதியில் இருந்து சென்று விட்டார் .இதுகுறித்து லட்சுமி ரத்தினபுரி போலீஸ் ஸ்டேஷனில் புகார் அளித்தார் .போலீசார் வழக்கு பதிவு செய்து விசாரணை நடத்தினர். தொடர்ந்து வீட்டிற்குள் புகுந்து நகையை பறித்துச் சென்ற சுரேஷ் என்பவரின் மகன் பாண்டியராஜன்( 26) என்ற வாலிபரை போலீசார் கைது செய்து சிறையில் அடைத்தனர்.