வடகிழக்குப் பருவ மழை : சேரும், சகதியுமாக காட்சி அளிக்கும் ஸ்மார்ட் சிட்டியின் பல்வேறு சாலைகள் - அவதி அடையும் பொதுமக்கள் !!!

வடகிழக்குப் பருவ மழை : சேரும், சகதியுமாக காட்சி அளிக்கும் ஸ்மார்ட் சிட்டியின் பல்வேறு சாலைகள் - அவதி அடையும் பொதுமக்கள் !!!

ஸ்மார்ட் சிட்டியான கோவை மாநகராட்சியில் கடந்த சில ஆண்டுகளாக பல்வேறு பகுதிகளில் பாதாள சாக்கடை அமைக்கும் பணிகள் நடைபெற்று, நிறைவடைந்து சில ஆண்டுகளை கடந்த நிலையில், தற்பொழுது வரை தோண்டப்பட்ட குழிகள் சரிவர மூடப்படாமலும், தார் சாலைகள் அமைக்காததால் தொடர்ந்து பெய்து வரும் வடகிழக்கு பருவமழையின் காரணமாக சேரும், சகதியுமாக காட்சி அளிக்கிறது. அந்த சாலையில் செல்லும் வாகன ஓட்டிகள் மிகுந்த சிரமத்திற்கு இடையே பயணிக்கின்றனர். மேலும் இருசக்கர வாகனத்தில் செல்லும் பொதுமக்கள் கீழே விழுந்து படுகாயம் அடைவதும், வாடிக்கையாக வருகிறது. இதனால் ஆத்திரம் அடைந்த பல்வேறு பகுதி பொதுமக்கள் போராட்டங்களில் ஈடுபட தொடங்கி உள்ளனர்.

இந்நிலையில் கோவை மணியகாரம்பாளையம் 19 வது வார்டு பகுதியில் பாதாள சாக்கடை பணிகள் நிறைவடைந்தும் சரிவர மூடாமல் சேரும், சகதியுமாக உள்ளது. அதில் செல்லும் இருசக்கர வாகன ஓட்டிகள் கீழே விழுந்து படுகாயம் அடைவதால் அப்பகுதி பொதுமக்கள் இன்று காலை ஆர்ப்பாட்டத்தில் ஈடுபட போவதாக கூறி ஒன்று கூடியதால் பரபரப்பு ஏற்பட்டது. தகவல் அறியும் சம்பவ இடத்திற்கு வந்த மாநகராட்சி ஊழியர்கள் அவர்களுடன் பேச்சுவார்த்தை நடத்தி விரைந்து சரி செய்து தருவதாக வாக்குறுதி அளித்ததன் பேரில் பொதுமக்கள் அங்கு இருந்து கலைந்து சென்றனர்.