மகளிர் சுய வேலை வாய்ப்புப் பயிற்சி தொடக்கம் !!!

மகளிர் சுய வேலை வாய்ப்புப் பயிற்சி தொடக்கம் !!!

காஞ்சிபுரம் மாவட்டம், வாலாஜாபாத் ஒன்றியம், தேவரியம்பாக்கம் ஊராட்சியில் மகளிர் சபை தொடங்கப்பட்டு அதன் மூலம் ஊராட்சியில் உள்ள பெண்களின் சமூக பொருளாதார மேம்பாட்டு வளர்ச்சி திட்டங்களை ஊராட்சி நிர்வாகம் செயல்படுத்தி வருகிறது. 

இதில் வீட்டுத் தோட்டம் அமைத்தல் சுகாதார விழிப்புணர்வு ஏற்படுத்துதல், மகளிர் மற்றும் குழந்தைகள் பாதுகாப்பு, பல்வேறு திறன் வளர்ப்பு பயிற்சிகள் என தனித் தன்மையுடன் ஊராட்சி நிர்வாகம் நிறைவேற்றி வருகிறது. இந்நிலையில் தேவரியம்பாக்கம் கிராமத்தில் உள்ள வறுமை ஒழிப்பு சங்க கட்டிடத்தில் 30 மகளிருக்கு ஆரி (Aari) எனப்படும் ஆடை அலங்கார பூ வேலைப்பாட்டுக்கான 30 நாள் பயிற்சி, இந்தியன் வங்கி ஊரக வேலை வாய்ப்பு பயிற்சி நிறுவனம் மூலம் தொடங்கி வைக்கப்பட்டது. இதில் சிறப்பு விருந்தினராக, காஞ்சிபுரம் மாவட்ட மகளிர் திட்ட இயக்குனர் பிச்சாண்டி அவர்கள் குத்துவிளக்கேற்றி தொடங்கி வைத்தார். தேவரியம்பாக்கம் ஊராட்சி தலைவர் அஜய்குமார் தலைமை வகித்தார். இந்தியன் வங்கி வாலாஜாபாத் கிளை மேலாளர் ஜெயந்தி, RSETI நிறுவன மாவட்ட மேலாளர் உமாபதி, உதவி மேலாளர் கார்த்திகேயன், பயிற்சியாளர் ஆறுமுகம், வட்ட ஒருங்கிணைப்பாளர் ரேணுகா மற்றும் ஊராட்சி செயலாளர் சாந்தி ஆகியோர் பங்கேற்றனர்.