விஜய் கட்சி மாநாட்டு : குவியும் தொண்டர் கூட்டம் !!!

விஜய் கட்சி மாநாட்டு : குவியும் தொண்டர் கூட்டம் !!!

விக்கிரவாண்டியில் இன்று மாலை நடக்க இருக்கும் தமிழக வெற்றிக் கழகம் கட்சியின் மாநாட்டுக்கு அதிகாலை முதலே தொண்டர்கள் வர துவங்கி விட்டனர்.

தமிழக வெற்றிக் கழகம் என்ற கட்சியை துவங்கி உள்ள நடிகர் விஜய், கட்சியின் முதல் மாநாட்டை விழுப்புரம் மாவட்டம் விக்கிரவாண்டியில் இன்று இன்று 27.10.2024 நடத்துகிறார். கட்சியின் முதல் மாநாடு என்பதால், விஜய் என்ன பேச உள்ளார் என தொண்டர்கள் ஆர்வத்துடன் காத்து இருக்கின்றனர். திரை உலகில், ஏற்கனவே விஜய்க்கு மக்கள் ஆதரவு அதிகம்.

விஜய் கட்சி கொடியை அறிமுகம் செய்த போது, மாநாடு அன்று தான் கட்சியின் கொள்கை மற்றும் அடுத்தக் கட்ட திட்டம் குறித்து அப்டேட் வரும் என்றார். இதுதான் மாநாட்டிற்கு தொண்டர்கள் எதிர்பார்ப்பை அதிகரிக்க காரணம்.

இந்நிலையில், இன்று பிற்பகல் மேல் தான் மாநாடு துவங்குகிறது. தற்போதே திடலில், தொண்டர்கள் குவிந்து வருகின்றனர். இரவு முதலே குவிந்து இருந்த தொண்டர்கள் அருகே இருந்தே இட்லி கடையில் குவிந்தனர். முண்டி அடித்து சென்ற தொண்டர்களால் மாநாட்டு திடலில் கடைசி 4 வரிசையில் இருந்த சேர்கள் சேதமடைந்தன.

 த.வெ.க., மாநாட்டு திடல் அருகில் உள்ள பிள்ளையார் கோயில் மற்றும் ஆஞ்சநேயர் கோயிலில் பொதுச் செயலாளர் புஸ்ஸி ஆனந்த் தேங்காய் உடைத்து வழிபாடு செய்தார்.

தமிழக வெற்றிக் கழக மாநாட்டில் பங்கேற்க வந்தவர்களில் சிலருக்கு மயக்கம்; வெயிலின் தாக்கத்தால் மயக்கம் அடைந்தவர்களுக்கு மருத்துவ சிகிச்சை அளிக்கப்பட்டு வருகிறது. இதனால் பிற்பகல் 4 மணிக்கு துவங்க உள்ள மாநாடு ஒரு மணி நேரம் முன்னதாக மூன்று மணிக்கு துவங்கும் என தகவல் வெளியாகி உள்ளது.