அ.தி.மு.க வில் ஒருத்தன் உயிரோட இருக்க மாட்டீங்க, அருவாளுடன் விஜய் ரசிகர்கள், வீடியோ மீண்டும் பதிவு செய்த யூடியூப் - நடவடிக்கை எடுக்க புகார் !!!

அ.தி.மு.க வில் ஒருத்தன் உயிரோட இருக்க மாட்டீங்க, அருவாளுடன் விஜய் ரசிகர்கள், வீடியோ மீண்டும் பதிவு செய்த யூடியூப் - நடவடிக்கை எடுக்க புகார் !!!

சென்னை ராஜா அண்ணாமலைபுரம் பகுதியைச் சேர்ந்த அ.தி.மு.க வழக்கறிஞர் பிரிவு மாநில இணைச் செயலாளர் பாலமுருகன் என்பவர் சென்னை காவல் ஆணையர் அலுவலகத்தில் புகார் ஒன்றை அளித்து உள்ளார்.

அந்த புகார் மனுவில் கடந்த 24 ஆம் தேதி யாத்ரிகன் மீடியா என்ற யூடியூப் சேனலில் ஒரு வீடியோ பதிவேற்றம் செய்யப்பட்டு உள்ளது அந்த வீடியோவில் அ.தி.மு.க வில் ஒருத்தன் உயிரோட இருக்க மாட்டீங்க, அருவாவோடு விஜய் ரசிகர்கள் வீடியோ படு வைரல் என்கிற தலைப்பில் இரண்டு நபர்கள் அருவாளுடன் தகாத வார்த்தைகளால் தீட்டி கொலை மிரட்டல் விடுப்பது போன்று ஒரு காணொளியினை எதிர்க் கட்சித் தலைவர் எடப்பாடி பழனிச்சாமி புகைப்படத்துடன் இணைத்து வட சென்னை திரைப்படத்தின் பின்னணி இசையுடன் எடிட் செய்து வெளியிட்டு உள்ளனர்.

இரு வேறு பிரிவினர் இடையே வன்முறையை தூண்டும் வகையிலும் பொது அமைதியை சீர்குலைக்கும் நோக்கத்துடனும் பதிவேற்றம் செய்யப்பட்டு உள்ளதாகவும்,

இந்த இரண்டு காணொளிகளும் ஏற்கனவே சில வருடங்களுக்கு முன்பு பதியப்பட்டதாகவும், இது தொடர்பாக ஏற்கனவே காவல் நிலையத்தில் புகார் கொடுக்கப்பட்டு உள்ளதாகவும் ஆனால் தற்பொழுது உள்ள சூழ்நிலையில் பழைய வீடியோவினை வைத்து யாத்திரிகன் மீடியா சேர்ந்த நபர்கள் மீண்டும் வீடியோக்களை எடிட் செய்து தற்போது சமூக வலைதளத்தில் பதிவேற்றம் செய்யப்பட்டு உள்ளது.

இந்நிலையில் நடிகர் விஜயின் கட்சியினர் மாநாடு நடத்த உள்ள நிலையில் இந்த வீடியோ வைரல் ஆகி வருகிறதாகவும்,

எனவே யாத்திரிகன் நிர்வாகத்தின் மீது தக்க நடவடிக்கை எடுத்து வீடியோவை நீக்க வேண்டும் என கேட்டு கொண்டு உள்ளார்.