கோவையில் விடுதியில் தங்கி கல்லூரிக்கு செல்லும் மாணவிக்கு பாலியல் தொல்லை : விடுதி உரிமையாளரை தாக்கும் செல்போன் வீடியோ காட்சிகள் வைரல் !!!

கோவையில் விடுதியில் தங்கி கல்லூரிக்கு செல்லும் மாணவிக்கு பாலியல் தொல்லை : விடுதி உரிமையாளரை தாக்கும் செல்போன் வீடியோ காட்சிகள் வைரல் !!!

கோவை, பீளமேடு பகுதியில் ராஜ்குமார் என்பவர் மகளிர் தங்கும் விடுதி வைத்து நடத்தி வருகிறார். இதில் கல்லூரி மாணவிகள் மற்றும் வேலைக்கு செல்லும் பெண்கள் தங்கி உள்ளனர். இந்நிலையில் நேற்றைய தினம் விடுதியில் தங்கி படிக்கும் மாணவி ஒருவரை தனது காரில் கல்லூரிக்கு அழைத்துச் சென்று உள்ளார். அப்பொழுது மாணவிக்கு அவர் பாலியல் ரீதியாக தொந்தரவு கொடுத்ததாக கூறப்படுகிறது. இதனை அடுத்து அந்த மாணவி இதுகுறித்து தனது பெற்றோர்களிடம் தெரிவித்த நிலையில், நேற்று இரவு விடுதிக்கு வந்த மாணவியின் பெற்றோர் மற்றும் உறவினர்கள் இது குறித்து விடுதி உரிமையாளர் ராஜ்குமாரிடம் கேள்வி எழுப்பி உள்ளனர். அப்பொழுது வாக்குவாதம் ஏற்படவே ராஜ்குமாரை தாக்கிய மாணவியின் பெற்றோர் அவரை பீளமேடு காவல் நிலையத்தில் ஒப்படைத்தனர். 

மாணவிக்கு பாலியல் துன்புறுத்தல் கொடுத்தது குறித்து பீளமேடு போலீசார் விசாரணை மேற்கொண்டனர். 

விசாரணையில் அவர் பாலியல் சீண்டல்களில் ஈடுபட்டது உறுதி செய்யப்பட்டது. இதனை அடுத்து பெண்களுக்கு எதிரான வன்கொடுமை சட்டம் உள்ளிட்ட மூன்று பிரிவுகளின் கீழ் பீளமேடு காவல் துறையினர் ராஜ்குமார் மீது வழக்கு பதிவு செய்து அவரை கைது செய்தனர்.