விஜய்ஸ் டி.என்.பி.எஸ்.சி அகாடமி புதிய பயிற்சி மையம்: திறந்து வைத்த ஓய்வு பெற்ற காவல் துறை அதிகாரி சைலேந்திரபாபு !!!

விஜய்ஸ் டி.என்.பி.எஸ்.சி அகாடமி புதிய பயிற்சி மையம்: திறந்து வைத்த ஓய்வு பெற்ற காவல் துறை அதிகாரி சைலேந்திரபாபு !!!

தர்மபுரி பென்னாகரம் ரோடு ஸ்ரீ விஜய் வித்யாலயா கல்வி நிறுவனங்கள் சார்பில் விஜய்ஸ் ஏஸ் அகாடமி என்ற பெயரில் ஒரு பயிற்சி நிறுவனம் தொடங்கப்பட்டு நீட் மருத்துவ பயிற்சி அளிக்கப்பட்டு வருகிறது. இந்த பயிற்சி நிறுவனம் நல்ல வரவேற்பை பெற்றதைத் தொடர்ந்து புதிதாக விஜய்ஸ் டி.என்.பி.எஸ்.சி அகாடமி என்னும் மத்திய, மாநில அரசு தேர்வுகளுக்கான பயிற்சி மையம் தர்மபுரி முகமது அலி கிளப் ரோடு, பஸ் நிலையம் அருகில் உள்ள நகராட்சி வணிக வளாகத்தின் 2 - வது தளத்தில் தொடங்கப்பட்டு உள்ளது. இந்த பயிற்சி நிறுவனம் திறப்பு விழா நடைபெற்றது. விழாவுக்கு ஸ்ரீ விஜய் வித்யாலயா கல்வி நிறுவனங்களின் தலைவர் டி.என்.சி. இளங்கோவன் தலைமை தாங்கினார். தாளாளர் மீனா இளங்கோவன், இயக்குனர்கள் பிரேம், சினேகா பிரவின், தலைமை செயல்பாட்டு அலுவலர் சந்திர பானு ஆகியோர் முன்னிலை வகித்தனர். விஜய்ஸ் ஏஸ் அகாடமி மூத்த முதல்வர் நாராயணமூர்த்தி வரவேற்றார். 

7- ம் தேதி வகுப்புகள் ஆரம்பம் இதில் ஓய்வு பெற்ற ஐ.பி.எஸ். அதிகாரி டாக்டர் சைலேந்திரபாபு சிறப்பு விருந்தினராக கலந்து கொண்டு பயிற்சி மையத்தை திறந்து வைத்து அரசு தேர்வுகளில் எப்படி வெற்றி பெறுவது என்பது குறித்து பேசினார். நடராஜ் டி.என்.பி.எஸ்.சி. இன்ஸ்டியூட் இயக்குனர் நடராஜ், இன்ஸ்பயர் ஐ.ஏ.எஸ். அகாடமி இயக்குனர் மாதேஸ்வரன், சி.ஆர்.பி.எப். ஓய்வு பெற்ற கமாண்டண்ட் கோகுல் குமார் ஆகியோர் போட்டித் தேர்வுகளில் வெற்றி பெறுவது எப்படி என்பது குறித்து விளக்கி பேசினார்கள். 

இது தொடர்பாக நிறுவன தலைவர் டி.என்.சி இளங்கோவன் கூறுகையில், தர்மபுரி மாவட்டத்தில் மிகப்பெரிய அளவில் தொடங்கப்படும் இந்த போட்டித் தேர்வு பயிற்சி மையத்தில் டி.என்.பி.எஸ்.சி., யு.பி.எஸ்.சி., பேங்கிங், ரயில்வே, எஸ்.எஸ்.சி., ஆடிட்டர் ஆகிய தேர்வுகளுக்கு தலை சிறந்த பயிற்சியாளர்களைக் கொண்டு பயிற்சி அளிக்கப்படுகிறது. வருகிற நவம்பர் மாதம் 7 - ம் தேதி பயிற்சி வகுப்புகள் தொடங்கப்பட உள்ளன. இதற்கான சேர்க்கை முன்பதிவு தொடங்கப்பட்டு உள்ளது என்று கூறினார்.

விழாவில் ஜெயலலிதா பேரவை மாவட்ட செயலாளர் எஸ்.ஆர். வெற்றிவேல், நகராட்சி தலைவர் லட்சுமி நாட்டான் மாது, தி.மு.க நகர செயலாளர் நாட்டான் மாது மற்றும் முக்கிய பிரமுகர்கள், கல்வியாளர்கள் கலந்து கொண்டனர்.