போதை பொருள் ஒழிப்பு விழிப்புணர்வு வலியுறுத்தி மினி மராத்தான் போட்டி !!!

 போதை பொருள் ஒழிப்பு விழிப்புணர்வு வலியுறுத்தி மினி மராத்தான் போட்டி !!!

போதை பழக்கத்தினால் ஏற்படும் தீமைகள் குறித்து இன்றைய தலைமுறையினர் அறிந்து கொள்ளும் வகையில் தூத்துக்குடி மாவட்டம் கோவில்பட்டியில் உண்ணாமலை கலை மற்றும் அறிவியல் கல்லூரியில் சார்பில் போதை பொருள் ஒழிப்பு விழிப்புணர்வு மினி மராத்தான் போட்டிக்கு ஏற்பாடு செய்யப்பட்டு இருந்தது. கோவில்பட்டி அண்ணா பஸ் நிலையம் அருகே தொடங்கிய மினி மராத்தான் போட்டியை கோவில்பட்டி வட்டார போக்குவரத்து அலுவலர் நெடுஞ்செழிய பாண்டியன் கொடியசைத்து தொடங்கி வைத்தார். அண்ணா பஸ் நிலையம் அருகே தொடங்கிய மினி மராத்தான் போட்டி உண்ணாமலை கலை மற்றும் அறிவியல் கல்லூரியில் நிறைவு பெற்றது. இந்த ஆறு கிலோ மீட்டர் மினி மாரத்தான் போட்டியில் தூத்துக்குடி காமராஜர் கல்லூரி மாணவர் மாணிக்க துரை முதலிடம் வந்து வெற்றி பெற்றார். இரண்டாவது இடத்தை காட்டு நாயக்கன் பட்டி பள்ளியை சேர்ந்த கருத்தப்பாண்டி மாணவன் இரண்டாவது இடத்தையும், மூன்றாவது இடத்தை நாகர்கோவில் சேர்ந்த கல்லூரி மாணவன் ஆனந்தராஜ் பிடித்தனர்‌‌. இந்த மினி மராத்தான் போட்டியில் இளைஞர்களுக்கு ஈடு கொடுக்கும் வகையில் 52 வயதான அரசு பேருந்து ஓட்டுனர் கார்த்திகேயன் என்பவர் ஓடி அசத்தி, சிறப்பு பரிசு பெற்றார்.  

பின்னர் நடைபெற்ற பரிசளிப்பு விழாவில் வெற்றி பெற்றவர்களுக்கு கோவில்பட்டி வட்டார போக்குவரத்து அலுவலர் நெடுஞ்செழிய பாண்டியன் பரிசுகளை வழங்கினார். பங்கேற்ற அனைவருக்கும் சான்றிதழ்கள் வழங்கப்பட்டன.