சாக்கடை அமைக்கும் பணிக்காக அப்புறப்படுத்தப்பட்ட சாலையோர கடைகள் : மீண்டும் சிலர்க்கு மட்டும் அனுமதி அளித்த அதிகாரிகள் - வாக்குவாதத்தில் ஈடுபட்ட பழைய கடைக்காரர்கள் !!!

சாக்கடை அமைக்கும் பணிக்காக அப்புறப்படுத்தப்பட்ட சாலையோர கடைகள் : மீண்டும் சிலர்க்கு மட்டும் அனுமதி அளித்த அதிகாரிகள் - வாக்குவாதத்தில் ஈடுபட்ட பழைய கடைக்காரர்கள் !!!

கோவை - தொண்டாமுத்தூர் காலையில் உள்ள குளத்துப்பாளையம் பகுதியில் சாலையோரத்தில் கடந்த 15 ஆண்டுகளுக்கும் மேலாக 40க்கும் மேற்பட்ட கடைகள் செயல்பட்டு வந்தது. இந்நிலையில் கடந்த இரண்டு மாதங்களுக்கு முன்பு சாலையோரம் கழிவுநீர் சாக்கடை அமைக்கும் பணிக்காக கடைகளை அப்புறப்படுத்த அதிகாரிகள் தெரிவித்து உள்ளனர். மேலும் கழிவுநீர் வாய்க்கால் பணிகள் முடிந்த பிறகு மீண்டும் கடைகள் அமைத்து தருவதாக உறுதி அளித்து உள்ளனர். இதை நம்பி கடந்த 15 ஆண்டுகளாக செயல்பட்டு வந்த கடைகளை அப்புறப்படுத்திய வியாபாரிகள். பணிகள் முடிந்த பிறகு மீண்டும் கடைகள் அமைக்க ஆளும் கட்சி தி.மு.க கவுன்சிலருக்கு வேண்டிய நபர்கள் மட்டும் அனுமதி அளித்து, மற்றவர்களை அந்த இடத்தில் கடைகள் அமைக்க அதிகாரிகள் எதிர்ப்பு தெரிவித்து அனுமதி மறுப்பதாக கூறி, ஏற்கனவே கடை வைத்து நடத்தி வந்த கடை வியாபாரிகள் அங்கு அமைக்கப்பட்டு இருக்கும் அனைத்து கடைகளையும், அகற்ற வேண்டும் அல்லது எங்களுக்கும் கடை வைக்க அனுமதி அளிக்க வேண்டும் என்று அதிகாரிகளுடன் வாக்குவாதத்தில் ஈடுபட்டதால் பரபரப்பு ஏற்பட்டது.