தீபாவளி பண்டிகை கோவையில் இருந்து வெளியூர் செல்வதற்கு சிறப்பு பேருந்துகள் இயக்கம் !!!

தீபாவளி பண்டிகை கோவையில் இருந்து வெளியூர் செல்வதற்கு சிறப்பு பேருந்துகள் இயக்கம் !!!

தீபாவளி பண்டிகையை முன்னிட்டு கோவையில் இருந்து சிறப்பு பேருந்துகள் இயக்கப்படுவதாக அறிவிக்கப்பட்டு உள்ளது. இதன்படி கோவை சிங்காநல்லூர் பேருந்து நிலையத்தில் இருந்து மதுரை, தேனி மற்றும் தென் மாவட்டங்களுக்கு செல்லும் பேருந்துகளும், சூலூர் பேருந்து நிலையத்தில் இருந்து கரூர், திருச்சி மார்க்கமாக செல்லும் பேருந்துகளும் கோவை காந்திபுரம் மத்திய பேருந்து நிலையத்தில் இருந்து சேலம், திருப்பூர், ஈரோடு, ஆனைகட்டி, மேட்டுப்பாளையம், சத்தியமங்கலம் மார்க்கமாக செல்லும் பேருந்துகளும், மேட்டுப்பாளையம் சாலையில் உள்ள புதிய பேருந்து நிலையத்தில் இருந்து குன்னூர், ஊட்டி, கூடலூர் மற்றும் கோத்தகிரி செல்லும் பேருந்துகள் இயக்கப்படும் என தெரிவிக்கப்பட்டு உள்ளது. 28 ஆம் தேதி முதல் 31 ஆம் தேதி வரை பொதுமக்களின் வசதிக்காக கோவையில் இருந்து மதுரை வழித்தடத்தில் 270 பேருந்துகளும், திருச்சி வழித் தடத்தில் 180 பேருந்துகளும், தேனி வழித் தடத்தில் 160 பேருந்துகளும், சேலம் வழித் தடத்தில் 240 பேருந்துகளும் இயக்கப்பட உள்ளதாக தெரிவிக்கப்பட்டு உள்ளது. மேலும் ஈரோட்டில் இருந்து மதுரை வழி தடத்தில் 90 பேருந்துகளும், திருச்சி வழித் தடத்தில் 60 பேருந்துகளும், அதே போல திருப்பூரில் இருந்து மதுரை வழித் தடத்தில் 110 பேருந்துகளும், திருச்சி வழித் தடத்தில் 170 பேருந்துகளும் தேனி வழித் தடத்தில் 40 பேருந்துகளும் இயக்கப்பட உள்ளதாக தெரிவிக்கப்பட்டு உள்ளது. மேலும் கோவை மண்டலத்தில் தற்காலிகமாக அமைக்கப்பட்டு உள்ள சூலூர் பேருந்து நிலையத்திற்கு கோவை காந்திபுரம் நகர பேருந்து நிலையம் மற்றும் உக்கடம் பேருந்து நிலையத்தில் இருந்து இணைப்பு பேருந்துகள் இயக்கப்படும் என்பது தெரிவிக்கப்பட்டு உள்ளது. இதற்குரிய அறிவிப்பை கோவை கோட்ட போக்குவரத்துக் கழக மேலாண் இயக்குனர் தெரிவித்து உள்ளார்.