கோவையில் மழையால் பாதிக்கப்பட்ட பகுதிகள் : மின்சாரத் துறை அமைச்சர் செந்தில் பாலாஜி ஆய்வு*

கோவையில் மழையால் பாதிக்கப்பட்ட பகுதிகள் : மின்சாரத் துறை அமைச்சர் செந்தில் பாலாஜி ஆய்வு

அதிகாரிகள் விழிப்புடன் இருக்க அமைச்சர் உத்திரவு

கோவையில் நேற்று மாலை, கன மழை பெய்தது. இதனை அடுத்து சாலைகளில் மழை நீர் வழிந்து ஓடியது. அங்குள்ள கால்வாய் ஒன்றில் குப்பைகள் அடைத்து இருந்தது. உடனடியாக ஜே.சி.பி இயந்திரம் மூலம் அந்த குப்பைகளை வெளியே எடுத்து மழை நீர் போக வழி வகுத்தனர். மேலும் நஞ்சுண்டாபுரம் பகுதியில் திருச்சி சாலை அடுத்த, கதிரவன் கார்டன் பகுதியில் தமிழ்நாடு மின்சாரத் துறை அமைச்சர் செந்தில் பாலாஜி இன்று காலை ஆய்வு மேற்கொண்டார். அங்கு உள்ள அதிகாரிகளிடம் மழை நீர் பாதிப்பு குறித்து கேட்டறிந்தார். அதே பகுதியில் மாநகராட்சி சார்பாக மருத்துவ முகாமும் அமைக்கப்பட்டு உள்ளது. பாதிக்கப்பட்டு உள்ள சாலைகளில் மாநகராட்சி ஊழியர்கள் அதனை சரி செய்யும் பணியை அமைச்சர் செந்தில் பாலாஜி பார்வையிட்டு உடனடியாக பணிகளை முடிக்குமாறு அதிகாரிகளுக்கு உத்தரவிட்டார். தொடர்ந்து மாநகரின் பல்வேறு பகுதிகளில் மழையால் பாதிக்கப்பட்ட பகுதிகளை ஆய்வு செய்தார்.

இந்த ஆய்வின் போது, மாவட்ட ஆட்சியர் கிராந்திகுமார் பாடி, மாநகராட்சி ஆணையாளர் சிவகுரு பிரபாகரன், மேயர் ரங்கநாயகி, எம்.பி கணபதி ராஜ்குமார், துணைமேயர் வெற்றிச்செல்வன், திமுக மாவட்ட செயலாளர்கள் நா.கார்த்திக் ஆகியோருடன் இருந்தனர்.