எம்.எம்.வித்யாஷ்ரம் பள்ளி : உயர்கல்வி, வேலை வாய்ப்புக்கானவழிகாட்டுதல் கருத்தரங்கம்

எம்.எம்.வித்யாஷ்ரம் பள்ளி : உயர்கல்வி, வேலை வாய்ப்புக்கானவழிகாட்டுதல் கருத்தரங்கம் !!!

தூத்துக்குடி மாவட்டம், கோவில்பட்டி எம்.எம்.வித்யாஷ்ரம் சி.பி.எஸ்.இ பள்ளியில்

உயர் கல்வி மற்றும் வேலைவாய்ப்புக்கான வழிகாட்டுதல் கருத்தரங்கம் நடந்தது.

  கோவில்பட்டி,எம்.எம்.வித்யாஷ்ரம் சி.பி.எஸ்.இ பள்ளியில் மாணவ - மாணவிகளுக்கு உயர்கல்வி மற்றும் வேலைவாய்ப்புக்கான வழிகாட்டுதல் கருத்தரங்கம் பள்ளி இயக்குநர் முத்து பிரகாஷ் தலைமையில் நடைபெற்றது. பள்ளி நிர்வாக உறுப்பினர்களான கலாநாதன், ஜோதி மாரியப்பன் ஆகியோர் முன்னிலை வகித்த இக்கருத்தரங்கில் தமிழ்நாடு காவல்துறை முன்னாள் தலைமை இயக்குநர் சைலேந்திரபாபு I.P.S பங்கேற்று அறிவுரை மற்றும் வழிகாட்டுதல்களை வழங்கினார். 

 மாணவ-மாணவியர் அடுத்து எவ்விதப் படிப்பைத் தொடர்வது, எங்கு படிப்பது, எந்தத் துறையில் கவனம் செலுத்துவது, எந்தப் பட்டப்படிப்பைத் தேர்ந்தெடுப்பது போன்ற கல்வி வழிகாட்டுதல் கருத்துகளை வழங்கியதோடு, மாணவர்கள் மற்றும் பெற்றோர்களின் கேள்விகளுக்குப் பதிலளித்து அவர்களுடன் உரையாடினார். குறிப்பாக, வாழ்வியல், உளவியல், அரசியல், விண்ணியல் மின்னியல் அறிவியல், கணக்கியல், சமூக வலைதளங்கள், சிவில் சர்வீசஸ் தேர்வுக்குரிய நுணுக்கங்கள் சார்ந்த கேள்விகளுக்கு 6 ம் வகுப்பு முதல் 12 ம் வகுப்பு வரை பயிலும் மாணாக்கர்கள் மிகவும் உற்சாகமாகவும் நுட்பமாகவும் பதிலளித்தனர். மிகவும் சாமர்த்தியமாக பதில் அளித்தவர்களுக்கு தான் எழுதிய தன்னம்பிக்கை ததும்பும் புத்தகங்களை பரிசளித்து சைலேந்திர பாபு மாணவர்களைப் பாராட்டினார். தொடர்ந்து நூலகம் மற்றும் ஒன்று முதல் ஐந்து வரையிலான வகுப்பறைகளுக்கு நேரடியாக சென்று மழலையர்களுடன் கலந்துரையாடி மகிழ்வித்தது சிறப்பாக அமைந்து இருந்தது. இக்கருத்தரங்கில் சிறப்பாக பங்கேற்று மாணவர்களை ஊக்குவித்த சிறப்பு விருந்தினர் சைலேந்திர பாபு I.P.S பள்ளி முதல்வர் டாக்டர். இராபர்ட் குமார் நினைவுப் பரிசு வழங்கி சிறப்பித்தார். இக்கருத்தரங்கில் மாணவ - மாணவிகள் பலர் பெற்றோர்களுடன் கலந்து கொண்டதோடு பிற பள்ளி மற்றும் கல்லூரிகளில் இருந்தும் ஆசிரியர்கள் மற்றும் பெற்றோர்கள் கலந்து கொண்டது குறிப்பிடத்தக்கது.

 இதற்கான ஏற்பாடுகளைப் பள்ளி நிர்வாகம்,பள்ளி முதல்வர் மற்றும் ஆசிரியர்கள் செய்திருந்தனர்.