தருமபுரி மாவட்ட பள்ளி மாணவர்களுக்கு தடகளப் போட்டிகள் துவக்க விழா !!!

தருமபுரி மாவட்ட பள்ளி மாணவர்களுக்கு தடகளப் போட்டிகள் துவக்க விழா !!!

தர்மபுரி மாவட்ட விளையாட்டு மைதானத்தில் மாணவ , மாணவிகளுக்கான மாவட்ட அளவிலான 100 மீட்டர், 200 மீட்டர், 400 மீட்டர், 600 மீட்டர், 800 மீட்டர், 1500 மீட்டர், 3000 மீட்டர் ஓட்டப்பந்தயம், நீளம் தாண்டுதல், உயரம் தாண்டுதல் போன்ற தடகள விளையாட்டு போட்டிகள் துவக்க விழா நடைபெற்றது. இந்த தடகளப் போட்டியில் தர்மபுரி மாவட்டத்தில் ஏழு குறு வட்டங்களாக பிரித்து ஒவ்வொரு குறு வட்டத்திலும் 15 வகையான விளையாட்டுப் மற்றும் 17 வகையான தடகளப் போட்டிகள் மூன்று வகையான வயது பிரிவுகளில் போட்டிகள் நடத்தப்பட்டு ஒவ்வொரு குறு வட்டத்திலும் முதல் மற்றும் இரண்டு இடங்களை பெற்ற மாணவர்கள் 450 பேர், மாணவிகள் 425 பேர் என மொத்தம் 875 மாணவ மாணவிகள் விளையாட்டுப்போட்டி போட்டியில் பங்கு பெற்று உள்ளனர். 

இந்த தடகளப் போட்டியில் முதல் இரண்டு இடங்களை பெறும் மாணவ, மாணவிகள் 06.11.2024 முதல் 11.11.2024 வரை ஈரோடு மாவட்டத்தில் நடைபெறும் மாநில அளவிலான தடகள போட்டியில் பங்கேற்க உள்ளனர். 

இந்நிகழ்ச்சிக்கு ஜோதி சந்திரா முதன்மை கல்வி அலுவலர் வரவேற்புரை ஆற்றினார். எஸ்.பி வெங்கடேஸ்வரன், தர்மபுரி சட்டமன்ற உறுப்பினர் முன்னிலை வகித்தார். ஜி.கே மணி பென்னாகரம் சட்டமன்ற உறுப்பினர் வாழ்த்துரை வழங்கினார். சாந்தி மாவட்ட விளையாட்டு அலுவலர், சின்ன மாது மாவட்ட தொடக்க கல்வி அலுவலர் அரூர் சிறப்புரையாற்றினர். முத்துக்குமார் மாவட்ட உடற்கல்வி ஆய்வாளர் நன்றி உரையாற்றினார். இந்நிகழ்ச்சியில் தர்மலிங்கம் காரிமங்கலம், சேகர் பி மல்லாபுரம், ரங்கநாதன் பாலக்கோடு, சின்னதம்பி பாப்பாரப்பட்டி, மேகநாதன் சிந்தல்பாடி அரசு பள்ளி உடற்கல்வி ஆசிரியர்கள் கலந்து கொண்டனர்.