கோவை - சென்னை இண்டிகோ விமானம் கடத்த இருப்பதாக மிரட்டல் !!!

கோவை - சென்னை இண்டிகோ விமானம் கடத்த இருப்பதாக மிரட்டல் !!!

கோவையில் இருந்து சென்னைக்கு இன்று மாலை 4 மணிக்கு புறப்பட இருந்த இன்டிகோ விமானத்திற்கு மிரட்டல்

இண்டிகோ 6E 848 விமானம் 169 பயணிகளுடன் புறப்பட தயாரான நிலையில் விமானத்திற்குள் துண்டு சீட்டு ஒன்று கிடந்தது அதில் விமானத்தை கடத்த இருப்பதாக எழுதப்பட்டு இருந்த நிலையில், இண்டிகோ விமான நிறுவன ஊழியர்கள் உடனடியாக மத்திய தொழில் பாதுகாப்பு படை அதிகாரிகளுக்கு தகவல் கொடுத்தனர். பயணிகள் அனைவரும் பாதுகாப்பு கருதி உடனடியாக விமானத்தில் இருந்து இறக்கப்பட்டனர். இதில் உணவு துறை அமைச்சர் சக்கரபாணி, உயர் நீதிமன்ற நீதிபதி 

ஜி.கே இளந்திரையன் ஆகியோரையும் 

விமானத்தில் இருந்து இறக்கி விமான நிலையத்தில் இருந்து வெளியேறும் வழியாக அழைத்து வந்தனர். விமான நிலையத்தில் அனைத்து பயணிகளையும் மீண்டும் சோதனை செய்த்துடன், விமானத்தையும் மத்திய தொழில் பாதுகாப்பு படை அதிகாரிகள் சோதனையிட்டனர். சோதனையில் அது புரளி என்பது தெரிய வந்ததை தொடர்ந்து விமானம் தாமதமாக சென்னை கிளம்பிச் சென்றது.