அடுக்குமாடி குடியிருப்பில் 3 கொள்ளையர்கள் சுற்றுச சுவர் ஏறி குதித்து திருடும் சி.சி.டி.வி காட்சிகள்...

*குற்ற சம்பவங்கள் தடுக்க அடுக்குமாடி குடியிருப்பில் காவல் துறையினர் நடநடத்திய விழிப்புணர்வு கூட்டம் : 6 மணி நேரத்தில் பின் அங்கு அரங்கேறிய திருட்டு சம்பவம் - அதிர்ச்சியை ஏற்படுத்தும் சி.சி.டி.வி காட்சிகள் !!!

கோவை, கவுண்டம்பாளையம் அடுத்து உள்ள உருமாண்டம் பாளையத்தில் உள்ள தனியார் அப்பார்ட்மெண்டில் கடந்த 6 ம் தேதி துடியலூர் இன்ஸ்பெக்டர் லதா தலைமையில் அப்பார்ட்மெண்டில் திருட்டு சம்பவங்களை தடுக்க விழிப்புணர்வு கூட்டம் நடைபெற்றது. போலீசார் இரவு 8 மணி அளவில் விழிப்புணர் கூட்டம் நடத்திய பிறகு சுமார் 6 மணி நேரத்திற்கு பிறகு 7 ம் தேதி அதிகாலை 2:15 முதல் 2 40 மணிக்குள் முகமூடி கொள்ளையர்கள் 3 பேர் அந்த அப்பார்ட்மெண்டுக்குள் நுழைந்தனர். அங்கு ஆட்கள் இல்லாத பிளாட்டை அறிந்து கதவை உடைத்து கம்மல், நெக்லஸ், வளையல், செயின் என 12 பவுன் நகைகளை திருடிச் சென்று உள்ளனர். இது துடியலூர் காவல் துறையினர் இடையே பெரும் அதிர்ச்சியை ஏற்படுத்தி உள்ளது. அதுனுடைய சி.சி.டி.வி காட்சிகள் தற்போது வெளியாகி அதிர்ச்சியையும், பரபரப்பையும் ஏற்படுத்தி உள்ளது. அதில் நல்ல உயரம் உள்ள 3 கொள்ளையர்கள் சுற்றுச் சுவர் ஏறி குதித்து அந்த அப்பார்ட்மெண்ட்டில் உள்ளே நுழைகின்றனர். உடலில் டவுசர் மட்டும் அணிந்து எண்ணெய் பூசிக்கொண்டு முகத்தை துணியால் முழுவதும் மறைத்தபடி பூட்டிய வீட்டில் திருடிக் கொண்டு மீண்டும் திரும்பி செல்கிறார்கள். யாராவது அவர்களை துரத்தினால் கல்லெறிந்து தாக்கி தப்பிப்பதாக கூறப்படுகிறது.