நத்தம் அருகே நான்கு வழிச் சாலையில் தலைகுப்புற கவிழ்ந்து கார் விபத்து

*நத்தம் அருகே நான்கு வழிச் சாலையில் தலைகுப்புற கவிழ்ந்து கார் விபத்து*

மதுரை மாவட்டம், மதுரை பி.பி.குளம் பகுதியைச் சேர்ந்தவர் இமானுவேல் மகன் ஜோயல் ஜேம்ஸ் வில்லியம்ஸ் (வயது 24). இவர் திருச்சியில் உள்ள கரடி பாத் எஜுகேஷன் சென்டரில் பயிற்சியாளராக பணிபுரிந்து வருகிறார். இந்நிலையில் நாளை முதல் மூன்று நாட்களுக்கு அரசு விடுமுறை என்பதால் மதுரையில் உள்ள அவரது சொந்த வீட்டிற்கு துவரங்குறிச்சி மதுரை தேசிய நெடுஞ்சாலையில் காரில் வந்து கொண்டிருந்தார். அப்போது திண்டுக்கல் மாவட்டம் நத்தம் கல்வேலிபட்டி அருகே தேசிய நெடுஞ்சாலையில் வந்து கொண்டிருந்த போது ஓட்டுநரின் கட்டுப்பாட்டை இழந்த கார் சாலையின் நடுவில் உள்ள தடுப்பில் ஏறி அங்கிருந்த மின் கம்பத்தின் மீது பலமாக மோதி தலை குப்புற கவிழ்ந்து விபத்துக்குள்ளானது. இந்த விபத்தில் மின் கம்பம் முற்றிலும் சேதம் அடைந்து கீழே விழுந்தது. அதிர்ஷ்டவசமாக காரை ஓட்டி வந்தவர் எந்தவித காயங்களும் இன்றி உயிர் தப்பினார். விபத்து குறித்து நத்தம் போலீசார் விசாரணை செய்து வருகின்றனர்.