வழியே இல்லாத இடத்தில் மதுபான கடை வைக்க அனுமதி : ரத்து செய்ய காஞ்சிபுரம் மாவட்ட ஆட்சியரிடம் மனு !!!

 வழியே இல்லாத இடத்தில் மதுபான கடை வைக்க அனுமதி : ரத்து செய்ய காஞ்சிபுரம் மாவட்ட ஆட்சியரிடம் மனு !!!

செம்பரம்பாக்கம் ஏரியின் உபரி நீர் வெளியேற்றப்படும் அரசுக்கு சொந்தமான பாசன கால்வாயை ஆக்கிரமிப்பை அகற்றக் கோரியம், வழியே இல்லாத இடத்தில் மதுபான கடை வைக்க அனுமதி வழங்கப்பட்டு உள்ளதை ரத்து செய்யக் கோரியும் மாவட்ட ஆட்சியரிடம் மனு.

காஞ்சிபுரம் மாவட்ட ஆட்சியர் அலுவலக வளாகத்தில் உள்ள மக்கள் நல்லுறவு கூட்டரங்கில் மாவட்ட ஆட்சியர் கலைச்செல்வி மோகன் தலைமையில் மக்கள் குறைதீர்க்கும் நாள் கூட்டம் நடைபெற்றது. அனைத்து அரசு துறை அலுவலர்கள் கலந்து கொண்ட இக்கூட்டத்தில் இலவச விட்டு மனை பட்டா கோருதல், பட்டா மாறுதல், மின்சார வசதி, சாலை வசதி உள்ளிட்ட அடிப்படை வசதிகள் உட்பட பல்வேறு கோரிக்கை மனுக்கள் அளிக்கப்பட்டது.

அதில், காஞ்சிபுரம் மாவட்டம் குன்றத்தூர் ஒன்றியம் சிக்கராயபுரம் முதல் நிலை ஊராட்சியில் உள்ள 1வது வார்டில் சுமார் 10 தெருக்களுக்கு மேல் உள்ள குண்டும் குழியுமான சாலைகளை சீரமைத்திடவும், சிக்கராயபுரம் பகுதியில் செம்பரம் பாக்கம் ஏரியின் உபரி நீர் வெளியேற்றபடும் அரசுக்கு சொந்தமான பாசன கால்வாயை (சர்வே எண் 164 ) ஆக்கரமித்து உள்ளதால், அரசுக்கு சொந்தமான அரசு நீர் வழி தட கால்வாயை இனம் கண்டு சர்வே செய்து தங்கள் கட்டுபாட்டில் கொண்டு வரவும், வழியே இல்லாத இடத்தில் மதுபானக்கடை (கடை எண்.4452) 

வைக்க அனுமதி வழங்கப்பட்டு உள்ள மது பான கடையை ரத்து செய்வதிடவும், சிக்கராயபுரம் கிராமம் செம்பரம்பாக்கம் ஏரியின் பாசன வாய்க்காலவாய் புல எண்.99,100,104,109,111&125 ஆகியவற்றில் உள்ள ஆக்கிரமிப்புகளை அகற்றி கால்வாயினை சீரமைத்தல் தொடர்பாக பல முறை மனு அளித்தும் எந்த ஒரு நடவடிக்கையும் இல்லை, இது நாள் வரை கால்வாய் தூர் வாரபடவில்லை வரும் காலம் மழை காலம் என்பதால், அடுத்து வரும் மழையினால் சிக்கராயபுரத்தில் உள்ள பாலாஜி நகர், லீலவதி நகர், வ.உ.சி நகர், சங்கர் நகர், ஸ்ரீனிவாசா நகர் போன்ற பகுதிகள் மழை வெள்ளம் வீடுகலில் புகும் அபாயம் ஏற்படும் அதை தடுபதற்க்கு கால்வாய்கள் சீரமைக்க வேண்டியும்,

சிக்கராயபுரம் முதல் நிலை ஊராட்சி 1 வது வார்டு உறுப்பினர் சுகுமார், ஒன்றிய கவுன்சிலர் அன்பு மற்றும் அப்பகுதி மக்களுடன் அனைத்துக் கட்சி சார்பாக மாவட்ட ஆட்சியர் கலைச்செல்வி மோகனிடம் மனு வழங்கினார். 

பெறுப்பட்ட மனுக்களை பரிசீலனை செய்து உரிய நடவடிக்கை எடுக்க சம்மந்தப்பட்ட அரசு அலுவலர்களுக்கு மாவட்ட ஆட்சியர் அறிவுறுத்தினார். இக்கூட்டத்தில் மாவட்ட வருவாய் அலுவலர் வெங்கடேசன் உள்ளிட்ட அனைத்து துறை அரசு அலுவலர்களும் கலந்துக் கொண்டனர்.