கேரளாவில் இருந்து வந்த லாரி கார், இரண்டு சக்கர வாகனங்கள், இட்லி கடையில் நான்கு நபர்கள் மீதும் மோதிய விபத்து - 4 பேர் படுகாயம்

கேரளாவில் இருந்து வந்த லாரி கார், இரண்டு சக்கர வாகனங்கள், இட்லி கடையில் நான்கு நபர்கள் மீதும் மோதிய விபத்து - 4 பேர் படுகாயம் !!!

தேனி மாவட்டம் உத்தமபாளையம் பேருந்து நிலையம் முன்பு கேரளாவில் இருந்து மரக் கட்டைகளை ஏற்றி கொண்டு வந்த லாரி கட்டுப்பாட்டை இழந்து சாலையோரம் நிறுத்தப்பட்டு இருந்த கார் மற்றும் இரண்டு சக்கர வாகனங்கள் மற்றும் சாலையோரம் இட்லி கடையில் நின்று இருந்த நான்கு நபர்கள் மீதும் பலத்தசத்துடன் லாரி மோதியது.

 அதைத் தொடர்ந்து அக்கம், பக்கத்தில் உள்ளவர்கள் உடனடியாக உத்தம பாளையம் காவல் துறையினருக்கு தகவல் தெரிவித்தனர்.

 மேலும் லாரிக்கு அடியிலும் கார்களின் அடியிளும் சிக்கிய நபர்களை தூக்கி உத்தமபாளையம் அரசு மருத்துவமனைக்கும் 108 ஆம்புலன்ஸ் மூலம் அனுப்பி வைத்தனர்.

தகவல் அறிந்து வந்த தீயணைப்பு துறையினர் மற்றும் உத்தமபாளையம் காவல் துறையினர் சம்பவ இடத்திற்கு விரைந்து வந்து பலத்த காயமுற்ற அவர்களை மீட்டு உத்தமபாளையம் அரசு மருத்துவமனைக்கு அனுப்பி வைக்கப்பட்டனர்.

 பேருந்து நிலையம் முன்பு நடைபெற்ற இந்த கோர விபத்தில் நான்கு நபர்கள் படுகாயம் அடைந்தனர்.

 இச்செய்தி அறிந்து உத்தமபாளையம் பகுதி பொது மக்கள் ஏராளமான திறன்டனர்.

 இதனால் தேனி - குமுளி தேசிய நெடுஞ் சாலையில் போக்குவரத்து பாதிப்பு ஏற்பட்டது.

 மேலும் சம்பவம் தொடர்பாக உத்தமபாளையம் உட்கோட்ட காவல்துறை கண்காணிப்பாளர் அவர்கள் நேரடியாக விபத்து நடந்த இடத்திற்கு வந்து விசாரணை செய்து வருகிறார்.

லாரி டிரைவர் தப்பி ஓடிய நிலையில் கேரள பதிவு எண் கொண்ட லாரியின் பதிவு எண்ணை கொண்டு உத்தமபாளையம் காவல் துறையினர் விசாரணை மேற்கொண்டு வருகின்றனர்.

 மேலும் படுகாயம் அடைந்தவர்கள் உத்தம்பாளையம் அரசு மருத்துவமனையில் முதலுதவி சிகிச்சை செய்யப்பட்டு மேல் சிகிச்சைக்காக தேனி மருத்துவக் கல்லூரி மருத்துவமனைக்கு அனுப்பி வைக்கப்பட்டு உள்ளது குறிப்பிடத்தக்கது. 

 உத்தமபாளையம் பகுதியில் கோர விபத்து ஏற்பட்டதால் பொது மக்களிடையே அச்சத்தை ஏற்படுத்தி உள்ளது.