மீனாட்சி மருத்துவக் கல்லூரி : முதலாம் ஆண்டு மாணவர்கள் உறுதிமொழி - வெள்ளை நிற அங்கி வழங்கும் விழா !!!

மீனாட்சி மருத்துவக் கல்லூரி : முதலாம் ஆண்டு மாணவர்கள் உறுதிமொழி - வெள்ளை நிற அங்கி வழங்கும் விழா !!!

காஞ்சிபுரம் அருகே ஏனாத்தூரில் அமைந்து உள்ள மீனாட்சி மருத்துவக் கல்லூரியின் கலையரங்கில் நிகழாண்டு முதலாம் ஆண்டு மருத்துவப் படிப்பில் சேர்ந்த மாணவ, மாணவியர்களுக்கு வெள்ளை நிற அங்கி வழங்கும் விழா வெகு சிறப்பாக நடைபெற்றது. விழாவிற்கு கல்லூரியின் இணைவேந்தர் ஆகாஷ் பிரபாகர் தலைமை வகித்து கல்லூரியில் மருத்துவப் படிப்பில் சேர்ந்த 200 மாணவ, மாணவியர்க்கு வெள்ளை நிற அங்கி வழங்கினார். அதனைத் தொடர்ப்து வெள்ளை அங்கி பெற்றுக் கொண்ட மாணவ, மாணவியர் அனைவரும் மருத்துவக் கல்விக்கான உறுதிமொழியும் எடுத்துக் கொண்டனர்.

மீனாட்சி மருத்துவக் கல்லூரியின் இணை வேந்தர் சி.ஸ்ரீதர், இணை துணைவேந்தர் சி.கிரித்திகா, பதிவாளர் வி.சுரேகா வரலட்சுமி ஆகியோர் முன்னிலை நடைபெற்ற இவ்விழாவில் கல்லூரியின் முதல்வர் வி.ராஜசேகர் வரவேற்புரையாற்றியும்,மருத்துவக் கல்லூரியின் கண்காணிப்பாளர் கே.பூபதி வெள்ளை அங்கி அணிவதன் முக்கியத்துவம் குறித்தும் எடுத்துரைத்து பேசினார்.

மேலும் முதலாம் ஆண்டு மாணவர்களுக்கு கல்லூரியின் துறைத் தலைவர்களை துணை முதல்வர் வி.ஈஸ்வரி அறிமுகம் செய்து வைத்தார். கல்லூரியில் பயின்று வரும் மூத்த மாணவர்கள் மருத்துவப் படிப்பு மற்றும் கல்லூரியின் சிறப்புகளை விளக்கினார்கள்.

இவ்விழாவில் மற்றொரு துணை முதல்வர் ஆர்.முத்துலட்சுமி உட்பட மருத்துவக் கல்லூரியில் முதலாம் ஆண்டு பயிலும் மாணவ, மாணவியரின் பெற்றோர்கள், கல்லூரிப் பேராசிரியர்கள் என பலரும் கலந்து கொண்டனர்.

இவ்விழாவின் இறுதியாக ஒருங்கிணைப்பாளர் கே.பரிமளா நன்றி கூறினார்.